ក្រុងព្រះសីហនុ៖ មានករណីអគ្គីភ័យឆាប់ឆេអផ្ទះលក់ចង្ក្រានហ្គាស និង អាគុយមួយកន្លែង នៅវេលាម៉ោង ២០:៥៥នាទី ថ្ងៃទី ២៧ ខែកក្កដា ឆ្នាំ២០២៤ ។

របាយការណ៍ពីសមត្ថកិច្ចបានឲ្យដឹងថា ម្ចាស់ផ្ទះលក់ចង្ក្រានហ្គាសនិងអាគុយ មានឈ្មោះ លី ហាំងភេទប្រុសអាយុ ៥៥ឆ្នាំ ជនជាតិខ្មែរមុខរបរលក់ហ្គាស ស្ថិតនៅក្នុងចំនុចក្រុម១០ភូមិ២ សង្កាត់លេខ៤ ក្រុងព្រះសីហនុ ខេត្តព្រះសីហនុ ។

ក្រោយពីទទួលបានព័ត៌មាននេះភ្លាម កម្លាំងនៃស្នងការដ្នាននគបាលខេត្តព្រះសីហនុ សហការជាមួយកម្លាំងប៉ុស្តិ៍ បានចុះដល់កន្លែងកើតហេតុ សម្រួលចរាចរណ៍ បាញ់ទឹកពន្លត់អោយរលត់ទាំងស្រុងករណីអគ្គិភ័យខាងលើបានចេញរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តព្រះសីហនុ ចំនួន ០២ គ្រឿង បានប្រើប្រាស់ទឹកអស់ចំនួន ០២ ឡានស្មើរនិង ១៨ ម៉ែត្រគូប។

ប្រភេទសំណង់ ផ្ទះសង់អំពីថ្មមានកម្ពស់៣ជាន់។ ការខូចខាតសម្ភារៈឆេះម៉ូតូប្រភេទហុងដាស្តុបពី សេរីឆ្នាំ២០២៣ចំនួន ០១គ្រឿង ព្រមទាំងឆេះសម្ភារៈមួយចំនួនប្រហែល១០ភាគរយ។ មូលហេតុ កំពុងស្រាវជ្រាវបន្ត។

បច្ចប្បន្នករណីអគ្គីភ័យខាងលើបានសមត្ថកិច្ចពន្លត់ឲ្យរលត់ទៅវិញទាំងស្រុង និង សមត្ថកិច្ចបញ្ជាក់ថា ករណីនេះក្រៅតែពីឆេះខូចខាតសម្ភារៈក្នុងផ្ទះមួយចំនួន និង ចង្ក្រានហ្គាស និង អាគុយមួយចំនួន គឺពុំបណ្តាលឲ្យមានមនុស្សរងគ្រោះថ្នាក់នោះទេ ៕